Merga wis akeh pit montor, ora neng kota ora neng desa, siki giline dadi rubes pisan. Klebu gili neng desane inyong ya kayakuwe. Mulane njutan tek pasangi tulisan "AWAS AKEH WONG NYABRANG", ningen ya tetep panggah padha ngebut bae. Terus tulisane tek genti "AWAS AKEH BOCAH CILIK", ya tetep bae ora degugu kambi wong sing padha liwat. Telung ndina sewise kuwe nyong lapor pak Kades, terus pak kades prentah, Cip.. tulisane digenti kiye bae "AWAS NGEBUT BENJUT" terus tek ganti, tapine ya tetep bae ora degugu kambi wong sing padha liwat.. Weruh kahanan sing kayakuwe, nyong terus nemoni pak Kades, tnyong usul, pak tulisane tek ganti kaya kiye bae lah, "ALON-ALON, AKEH WONG WADON WUDA". Hihihi... jiaaan ora nyana babar pisan sedulurrr... Semenjak kuwe wis ora nana maning wong sing padha numpak motor ngebut ngebutan. Malah sewalike, siki malah dadi padha sopane poll. Gole numpak montor padha aloooon nemen, karo lingak linguk, nglinguk ngiwa terus nglinguk nengen... Hé...hé...hé...nggoleti WONG WADON WUDA...